மதயானை நூலைப் படிக்க வேண்டியது அனைவரின் கடமை

தேசியக் கல்விக்கொள்கையால் ஏற்படக்கூடிய ஆபத்துகள் குறித்து விளக்கும் மதயானை என்கிற நூலை அனைவரும் படிக்க வேண்டிய கடமை இருக்கிறது என்றார் உலகத் தமிழர் பேரமைப்பு தலைவர் பழ. நெடுமாறன்.

- 

தஞ்சாவூர், ஜூலை 19:

தஞ்சாவூரில் தஞ்சை கலைஞர் நூலக வாசக வட்டம் சார்பில் சனிக்கிழமை நடைபெற்ற பள்ளிக்கல்வித் துறை அமைச்சர் அன்பில் மகேஸ் பொய்யாமொழி எழுதிய தேசிய கல்விக்கொள்கை 2020 என்னும் மதயானை என்கிற நூல் திறனாய்வுக் கூட்டத்துக்கு தலைமை வகித்த அவர் பேசியதாவது:

கொரியாவில் யுனெஸ்கோ அமைப்பின் சார்பில் உலகக் கல்வி மாநாடு நடைபெற்றது. இதில், இந்தியா உட்பட 160-க்கும் அதிகமான நாடுகள் பங்கேற்றன. இந்த மாநாட்டில்தான் உலகம் முழுவதும் உள்ள நாடுகள் மக்களுக்கு ஏற்ற வகையில் கல்விக் கொள்கையை உருவாக்க வேண்டும் என்றும், அது, உலக ஒற்றுமைக்கு வழிவகுக்க வேண்டும் எனவும் தீர்மானம் நிறைவேற்றப்பட்டது.