குற்றம் இழைக்கும் அரசியல் தலைவர்களுக்கு வாழ்நாள் தடை விதிக்க நாடாளுமன்றத்துக்கே அதிகாரம்

குற்றவாளிகள் என்று தீர்ப்பளிக்கப்படும் அரசியல் தலைவர்கள் தேர்தலில் போட்டியிட வாழ்நாள் தடை விதிப்பது குறித்து முடிவு எடுக்கும் அதிகாரம் நாடாளுமன்றத்துக்கே உள்ளது என்று உச்சநீதிமன்றத்தில் மத்திய அரசு தெரிவித்துள்ளது.

- 

புது தில்லி, பிப்.26:

மக்கள் பிரதிநிதித்துவச் சட்டப்பிரிவுகள் 8, 9 ஆகியவற்றுக்கு எதிராக, உச்சநீதிமன்றத்தில் மூத்த வழக்குரைஞர் அஸ்வினி உபாத்யாய மனு தாக்கல் செய்துள்ளார்.

இதில் சட்டப் பிரிவு 8-இன்படி, குறிப்பிட்ட குற்றங்களுக்காக தண்டனை பெற்ற அரசியல் தலைவர் ஒருவர் சிறைத் தண்டனையை நிறைவு செய்த பின்னர், 6 ஆண்டுகளுக்குத் தேர்தலில் போட்டியிட முடியாது.