கடலூர்: 1,373 விநாயகர் சிலைகள் வைத்து வழிபாடு

விநாயகர் சதுர்த்தி விழாவையொட்டி, கடலூர் மாவட்டத்தில் பல்வேறு அமைப்புகள், பொதுமக்கள் சார்பில், சுமார் 1,373 இடங்களில் விநாயகர் சிலைகள் புதன்கிழமை வைக்கப்பட்டு வழிபாடுகள் நடத்தப்பட்டன.

- 

நெய்வேலி/சிதம்பரம், ஆக.27:

கடலூர், பண்ருட்டி, நெய்வேலி, விருத்தாசலம், குறிஞ்சிப்பாடி, திட்டக்குடி, வேப்பூர் உள்ளிட்ட பகுதிகளில் உள்ள விநாயகர் கோயில்கள் செவ்வாய்க்கிழமை இரவு முதலே வண்ண விளக்குகளால் அலங்கரிக்கப்பட்டிருந்தன. மேலும், பல்வேறு அமைப்புகளைச் சேர்ந்தவர்கள் மற்றும் பொதுமக்கள் ஊர் பொது இடங்களில் மேடை மற்றும் கொட்டகை அமைத்து பெரிய அளவிலான விநாயகர் சிலைகளை நிறுவி வழிபாடு செய்தனர். இந்த விநாயகர் சிலைகள் வித்தியாசமான வடிவங்களில் கண்ணைக் கவரும் வகையில் இருந்தன.