டிசம்பரில் ககன்யான் திட்டத்தின் முதல் ராக்கெட்

ககன்யான் திட்டத்தின் முதல் ராக்கெட்டை டிசம்பர் மாதம் விண்ணில் செலுத்த முடிவு செய்யப்பட்டிருப்பதாக இஸ்ரோ தலைவர் வி. நாராயணன் தெரிவித்தார்.

- 

திருச்சி, ஜூலை 26:

என்ஐடி பட்டமளிப்பு விழாவில் பங்கேற்க திருச்சிக்கு சனிக்கிழமை வந்த அவர் விமான நிலையத்தில் மேலும் கூறியதாவது:

நாசாவுடன் இணைந்து புவியின் மேற்பரப்பு மாற்றங்களை கண்காணிக்க நிசார் என்ற செயற்கைக்கோளை வரும் 30-ஆம் தேதி விண்ணில் செலுத்தவுள்ளோம். இந்த செயற்கைக்கோள் முழு பூமியையும் சுற்றிவந்து துல்லியமான தரவுகள் மற்றும் உயர் தெளிவுத்திறன் கொண்ட படங்களை வழங்கும். இதற்காக அதில் எல் பேண்ட், எஸ் பேண்ட் ஆகிய சிந்தடிக் அப்ரேச்சர் ரேடார் தொழில்நுட்பங்கள் பயன்படுத்தப்பட்டுள்ளன. இவற்றில் எஸ் பேண்ட் இந்திய தொழில்நுட்பம், எல் பேண்ட் அமெரிக்க தொழில்நுட்பம்.