குடிநீர், மழைநீர் வடிகால் பணிகளை விரைந்து முடிக்க வேண்டும்

முதல்வர் மு.க.ஸ்டாலின் உத்தரவு

- 

சென்னை, ஜூலை 17: குடிநீர், மழைநீர் வடிகால் பணிகளை விரைந்து முடிக்க வேண்டும் என்று நகர்ப்புற உள்ளாட்சி அமைப்பு அதிகாரிகளுக்கு முதல்வர் மு.க.ஸ்டாலின் உத்தரவிட்டுள்ளார்.

தமிழ்நாட்டிலுள்ள 25 மாநகராட்சிகள், 144 நகராட்சிகளில் மேற்கொள்ளப்பட்டு வரும் அடிப்படைப் பணிகள் குறித்து தலைமைச் செயலகத்தில் வியாழக்கிழமை ஆலோசனைக் கூட்டம் நடைபெற்றது.

முதல்வர் மு.க.ஸ்டாலின் தலைமையில் நடைபெற்ற இந்தக் கூட்டத்தில் அவர் பேசியதாவது: தமிழ்நாட்டில் அனைத்து நகர்ப்புற உள்ளாட்சி அமைப்புகளில் மேற்கொள்ளப்பட்டு வரும் பல்வேறு உள்கட்டமைப்பு உருவாக்கம் மற்றும் பராமரிப்புப் பணிகளை விரைந்து நிறைவேற்ற வேண்டும். குறிப்பாக, மழைநீர் வடிகால் பணிகள், குடிநீர், புதைச்சாக்கடை திட்டப் பணிகள், சாலைப் பணிகள் ஆகியவற்றை விரைந்து முடிப்பதற்கான நடவடிக்கை மேற்கொள்ள வேண்டும்.