ரயில் விபத்து: காயமடைந்தவர்களுக்கு அரசியல் கட்சியினர் ஆறுதல்

கடலூர் செம்மங்குப்பம் அருகே செவ்வாய்க்கிழமை காலை பள்ளி வேன் மீது பயணிகள் ரயில் மோதிய விபத்தில் காயமடைந்து கடலூர் தலைமை மருத்துவமனையில் சிகிச்சை பெற்று வருபவர்களை சந்தித்து அதிமுக, தேமுதிக, கம்யூனிஸ்ட் உள்ளிட்ட அரசியல் கட்சிகளின் நிர்வாகிகள் ஆறுதல் கூறினர்.

- 

நெய்வேலி, ஜூலை 8: கடலூர் செம்மங்குப்பம் அருகே செவ்வாய்க்கிழமை காலை பள்ளி வேன் மீது பயணிகள் ரயில் மோதிய விபத்தில் காயமடைந்து கடலூர் தலைமை மருத்துவமனையில் சிகிச்சை பெற்று வருபவர்களை சந்தித்து அதிமுக, தேமுதிக, கம்யூனிஸ்ட் உள்ளிட்ட அரசியல் கட்சிகளின் நிர்வாகிகள் ஆறுதல் கூறினர்.

காயமடைந்தவர்களை சந்தித்து, அதிமுக முன்னாள் அமைச்சர் எம்.சி.சம்பத் ஆறுதல் கூறினார். பின்னர், அவர் செய்தியாளரிடம் கூறியதாவது: பாதிக்கப்பட்டவர்களுக்கு அதிமுக சார்பில் ஆழந்த இரங்கலை தெரிவித்துக்கொள்கிறோம். மாவட்ட நிர்வாகம் மற்றும் காவல் துறை பள்ளி உரிமையாளர்கள், ஓட்டுநர்களை அழைத்து ஆலோசனை வழங்கி, விபத்துகளைத் தவிர்க்க நடவடிக்கை எடுக்க வேண்டும்.