கருப்புப் பெட்டிகளில் இருந்து தரவுகள் மீட்கும் பணி தீவிரம்: மத்திய அரசு

குஜராத் மாநிலம், அகமதாபாதில் விபத்துக்குள்ளான விமானத்தின் இரு கருப்புப் பெட்டிகளில் இருந்து தரவுகளை மீட்டெடுக்கும் பணி விரைவாக நடைபெற்று வருகிறது என்று மத்திய அரசு வியாழக்கிழமை தெரிவித்தது.

- 

புது தில்லி, ஜூன் 26:

அகமதாபாதில் இருந்து லண்டனுக்கு வெளிநாட்டினர் உள்பட 230 பயணிகள் மற்றும் 12 ஊழியர்களுடன் கடந்த ஜூன் 12-ஆம் தேதி புறப்பட்ட ஏர் இந்தியா விமானம் (போயிங் 787-8 ரகம்), மேலெழுந்த சில வினாடிகளிலேயே அருகில் உள்ள மருத்துவக் கல்லூரி விடுதி வளாகத்தில் விழுந்து வெடித்துச் சிதறியது. இக்கோர விபத்தில் ஒரேயொரு பயணி தவிர விமானத்தில் இருந்த 241 பேர், விமானம் விழுந்த இடத்தில் மருத்துவ மாணவர்கள் உள்பட 29 பேர் என மொத்தம் 270 பேர் உயிரிழந்தனர்.

சம்பவம் நடந்து 2 வாரங்களுக்கு மேல் ஆகிவிட்ட நிலையில், தலைமை விசாரணையாளர் இன்னும் நியமிக்கப்படவில்லை; இது மன்னிக்க முடியாத தாமதம் என்று காங்கிரஸ் குற்றஞ்சாட்டியது.