அனைத்து வகை நுகர்வோருக்கும் குறைந்த கட்டணத்தில் மின்சாரம்

முதல்வர் மு.க.ஸ்டாலின் பெருமிதம்

- 

சென்னை, ஜூன் 19: அனைத்து வகை நுகர்வோருக்கும் குறைந்த கட்டணத்தில் மின்சாரம் வழங்கப்பட்டு வருவதாக முதல்வர் மு.க.ஸ்டாலின் பெருமிதம் தெரிவித்தார்.

அம்பத்தூர் தொழில்பேட்டை உற்பத்தியாளர்கள் சங்கத்தின் 16-ஆவது சர்வதேச இயந்திர கருவிகள் கண்காட்சி தொடக்க விழா சென்னை நந்தனத்தில் வியாழக்கிழமை நடைபெற்றது.

கண்காட்சியைத் தொடங்கி வைத்து முதல்வர் மு.க.ஸ்டாலின் பேசியதாவது:

திராவிட மாடல் ஆட்சியில் தொழில் துறை மாபெரும் வளர்ச்சி அடைந்து கொண்டிருக்கிறது. தொழில் வளர்ச்சிக்கும், தொழிலாளர் நலனுக்கும் முக்கியமான பல பணிகள் செய்யப்பட்டுள்ளன. இதன் பயனாக, இந்தியாவின் உற்பத்தித் துறை சார்ந்த மொத்த உள்நாட்டு உற்பத்தியில் தமிழ்நாட்டின் பங்களிப்பு 11.90 சதவீதமாக உள்ளது.