அரசு ஊழியர்களின் ஓய்வு வயதை உயர்த்தும் திட்டமில்லை: மத்திய அரசு

அரசு ஊழியர்கள் ஓய்வுபெறும் வயதை (60) உயர்த்தும் திட்டம் எதுவும் பரிசீலனையில் இல்லை என்று மத்திய பணியாளர் நலத் துறை இணையமைச்சர் ஜிதேந்திர சிங் தெரிவித்தார்.

- 

புது தில்லி, மார்ச் 19: அரசு ஊழியர்கள் ஓய்வுபெறும் வயதை (60) உயர்த்தும் திட்டம் எதுவும் பரிசீலனையில் இல்லை என்று மத்திய பணியாளர் நலத் துறை இணையமைச்சர் ஜிதேந்திர சிங் தெரிவித்தார்.

மக்களவையில் எழுப்பப்பட்ட கேள்விக்கு புதன்கிழமை எழுத்துப்பூர்வமாக பதிலளித்த அவர், 'ஓய்வு வயதை உயர்த்த வேண்டுமென அரசு ஊழியர்கள் சங்கம் அல்லது அமைப்புகளிடம் இருந்து எந்தக் கோரிக்கையும் வரவில்லை. அத்தகைய திட்டம் எதுவும் மத்திய அரசின் பரிசீலனையில் இல்லை' என்றார்.