போலி வாக்காளர் அட்டை மீதான விவாதத்துக்கு மறுப்பு: மாநிலங்களவையிலிருந்து எதிர்க்கட்சிகள் வெளிநடப்பு

போலி வாக்காளர் அட்டைகள் சர்ச்சை மீதான விவாதத்துக்கு அனுமதி மறுக்கப்பட்டதைத் தொடர்ந்து காங்கிரஸ், திரிணமூல் காங்கிரஸ் உள்ளிட்ட எதிர்க்கட்சிகள் மாநிலங்களவையிலிருந்து திங்கள்கிழமை வெளிநடப்பு செய்தன.

- 

புது தில்லி, மார்ச் 17:

வெவ்வேறு மாநிலங்களில் உள்ள சிலருக்கு ஒரே மாதிரியான வாக்காளர் அடையாள எண்கள் வழங்கப்பட்டிருப்பது, பரபரப்பை ஏற்படுத்தியுள்ளது.

ஆளும் பாஜகவுக்கு ஆதரவாக வாக்காளர் பட்டியலில் போலி வாக்காளர்களைச் சேர்க்க தேர்தல் ஆணையம் உடந்தையாக இருந்தது என எதிர்க்கட்சிகள் குற்றஞ்சாட்டின.

இந்தக் குற்றச்சாட்டை மறுத்த தேர்தல் ஆணையம், வெவ்வேறு மாநிலங்களில் ஒரே வாக்காளர் அடையாள எண் உடையவர்கள் போலி வாக்காளர்கள் அல்லர். சிலரின் வாக்காளர் புகைப்பட அடையாள அட்டை (இபிஐசி) எண்கள் ஒரே மாதிரியாக இருக்கலாம்.