பெரம்பலூர் நகரில் செயல்படாத ஏடிஎம் மையங்கள்

வாடிக்கையாளர்கள் அவதி

- நமது நிருபர்

நமது நிருபர் பெரம்பலூர், ஜூலை 2: பெரம்பலூர் நகரில் உள்ள ஏடிஎம் மையங்கள் செயல்படாததால் வாடிக்கையாளர்களும், பொதுமக்களும் அவதிப்பட்டு வருகின்றனர்.

மாவட்டத் தலைநகரான பெரம்பலூரில் பாரத ஸ்டேட் வங்கி, இந்தியன் ஓவர்சீஸ் வங்கி, இந்தியன் வங்கி, பேங்க் ஆப் இந்தியா, ஆக்ஸிஸ் பேங்க் உள்பட 19-க்கும் மேற்பட்ட வங்கிக் கிளைகள் இயங்குகிறது. இந்த வங்கிகள் செயல்படும் பகுதிகளில் ஏடிஎம் மையங்கள் நிறுவப்பட்டுள்ளன. இது தவிர, மாவட்ட ஆட்சியர் அலுவலகம், புறநகர் பேருந்து நிலையம், காமராஜர் வளைவு உள்பட நகரின் பிரதான பகுதிகளில் சுமார் 30-க்கும் மேற்பட்ட ஏடிஎம் மையங்களும், அதில் பணம் செலுத்தும் இயந்திரங்களும் அமைக்கப்பட்டுள்ளன.

இதில் பெரும்பாலான ஏடிஎம் மையங்கள் அரசுடமையாக்கப்பட்ட வங்கிகளுக்குச் சொந்தமானவை.