சத்தீஸ்கர்: ஆசிரியை மீது தாக்குதல் நடத்த கழிவறையில் வெடிகுண்டு வைத்த மாணவர்கள்

3 மாணவிகள், ஒரு மாணவர் கைது

- 

பிலாஸ்பூர், பிப். 25: சத்தீஸ்கர் மாநிலத்தில் தனியார் பள்ளி ஒன்றில் ஆசிரியையைக் குறிவைத்து 8-ஆம் வகுப்பு மாணவ, மாணவியர் சோடியம் மூலம் தயாரித்த வெடிகுண்டை கழிவறையில் வைத்தனர். இதில், 4-ஆம் வகுப்பு மாணவி ஒருவர் சிக்கி காயமடைந்தார்.

யூடியூபைப் பார்த்து வெடிகுண்டு தயாரித்து தாக்குதல் நடத்தியதாக 3 மாணவிகள், ஒரு மாணவரை காவல் துறையினர் கைது செய்து, சிறார் நீதி மன்றத்தில் ஆஜர்படுத்தி கூர்நோக்கு இல்லத்துக்கு அனுப்பி வைத்தனர்.

இதில் தொடர்புடைய மேலும் ஒரு மாணவரைத் தேடி வருகின்றனர்.