அரசியலிலிருந்து தற்காலிக ஓய்வு

முன்னாள் அமைச்சர் பழனிவேல் தியாகராஜன் அறிவிப்பு

- 

பழனிவேல் தியாகராஜன்

அரசியல், பொது வாழ்விலிருந்து தற்காலிகமாக ஓய்வு பெறுவதாக முன்னாள் அமைச்சர் பழனிவேல் தியாகராஜன் தெரிவித்தார்.

சட்டப்பேரவைத் தேர்தலில் மதுரை மத்திய தொகுதியில் போட்டியிட்டு வெற்றி வாய்ப்பை இழந்த அவர், திங்கள்கிழமை வெளியிட்ட அறிக்கை:

எனது வெளிநாட்டு தொழில்முறை வாழ்க்கையிலிருந்து விலகி, கடந்த 10 ஆண்டுகளுக்கு முன்பு தேர்தல் அரசியலுக்குள் நுழைந்தேன். சமூக முன்னேற்றம், மக்களின் வாழ்வாதார உயர்வு ஆகியவற்றை நோக்கமாகக் கொண்டே அரசியல், பொது வாழ்வில் இயங்கினேன். நீதிக் கட்சி, எனது தந்தை (பழனிவேல் ராஜன்), முன்னோர்கள் மக்களுக்காக முன்னெடுத்த பணிகள் தொடர வேண்டும் என்ற அடிப்படையிலேயே நான் செயல்பட்டேன். நான் சார்ந்த கட்சிக்கும், மதுரை மத்திய தொகுதிக்கும், மாநிலத்தின் வளர்ச்சிக்கும் பணியாற்றியது திருப்தி அளிக்கிறது.