குட்டி நாயின் பெரிய சாதனை!

விளம்பர மாடல்கள் மனிதர்கள் மட்டுமல்ல; ஐந்தறிவு கொண்ட பிராணிகளும்தான்.

- -தில்லி பா.கண்ணன்

சுமார் 28 ஆண்டுகளுக்கு முன்பு வெளியான 'எங்குச் சென்றாலும் பின்தொடரும் எங்கள் இணைய வழிச் சேவை' என்ற நாய் பங்கேற்ற ஹட்ச் (வோடாஃபோன்) விளம்பரத்தை யாராலும் மறந்திருக்க முடியாது. அதில் நடித்த 'பக்' பிகரோவும், அதன் குட்டி 'ஸ்பைக்'கும் விளம்பர உலகில் முன்னணியில் இருந்தன.

இதற்கு முன்னோடியாக 1990-ஆம் ஆண்டிலேயே வேறொரு நாய் நடித்த சின்னத்திரை விளம்பரம் அமெரிக்கர்களைப் பெரிதும் கவர்ந்தது. கெண்டகி குழுமத்தைச் சேர்ந்த மெக்சிகோ நாட்டின் துரித உணவகம் 'டேகோ பெல்' விளம்பரத்தில், 'எனக்குக் கொஞ்சம் டேகோபெல் வேண்டும்' என்று பேசி நடித்த 'ஷீவாவா' வகை இனத்தைச் சேர்ந்த கிட்ஜெட் பெயருடைய அழகான குட்டிநாய்தான் அது.