அன்புள்ள ஆசிரியருக்கு...

வல்லான் வகுப்பதல்ல ..புவி வெப்பமயமாதலைத் தடுக்க உலக நாடுகள் பல்வேறு முயற்சிகளை எடுத்து வரும் நிலையில், அமெரிக்க அதிபர் டிரம்ப் அதிலிருந்து விலகுவது பொறுப்பற்ற செயல் அல்லது இயலாமை (‘யார் புரிய வைப்பது?'- ஆசிரியர் உரை, 06.10.25). வெப்பமயமாதல் பாதிப்பிலிருந்து அமெரிக்கா மட்டும் தனியாகத் தப்பிவிட முடியாது. வல்லான் வகுப்பதல்ல நீதி; நல்லான் வகுப்பதே நீதி. உலகெங்கும் ஒருபுறம் வெள்ளம்; மறுபுறம் வறட்சி என்ற நிலையை மாற்ற உலக நாடுகள் ஒன்றுகூடி திட்டங்களை தீட்டும் போது, ஐ.நா. அமைப்பிலிருந்து அமெரிக்கா விலகுவது குறித்து வேறு விதமாக யோசிக்கத் தோன்றுகிறது. அமெரிக்கா விலகியதால் விட்டுவிடாமல் அதன் பங்கை வசூலித்தாக வேண்டும். அதற்கு ஐ.நா. அமைப்பு மீண்டும்கூடி முடிவெடுக்க வேண்டும்.தி சேகர், பீர்க்கன்கரணை.

- 

சிந்திக்க வேண்டும்

திரைப்படப் புகழை அரசியலில் முதலீடு செய்ய நினைக்கும் நடிகர் மக்களைப் பற்றி சிந்திக்காமல் செயல்படுவது நல்லதல்ல ('தடம் புரளும் தலைமைப் பண்பு!'-கட்டுரை-கோதை ஜோதிலட்சுமி, 06.10.25). மக்கள் முதலில் சிந்திக்க வேண்டும். ஒரு நடிகர் கட்சி ஆரம்பித்து விட்டால் அவரைப் பார்ப்பதற்கு தங்களது உயிரைப் பணயம் வைத்து நாள் முழுவதும் காத்திருக்க வேண்டுமா? அப்படியே காத்திருந்து அவர் வந்த பிறகு என்ன அரசியல் பேசப் போகிறார்? அவர் இதுவரை பேசிய கூட்டங்களில் என்ன கொள்கை, கோட்பாடுகளை மக்களுக்கு விளக்கிச் சொல்லிவிட்டார் என்பது குறித்து சிந்தித்துப் பார்த்து செல்வது நல்லது. மக்களைக் கூட்டி தங்களின் பலத்தை நிரூபிப்பதற்கு மேற்கொள்ளப்படும் முயற்சிகளில் மக்கள் பலியாகிவிடாமல் பார்த்துக் கொள்வது நல்லது.

மா. பழனி, கூத்தப்பாடி.

உழைப்பும். அன்பும் ...