தில்லி காவல் துறை புதிய ஆணையராக சிறைத் துறை டிஜிபி கோல்ச்சா நியமனம்

தில்லி காவல்துறையின் முழுநேர ஆணையாளராக 1992-ஆம் ஆண்டு இந்திய காவல் பணியைச் சேர்ந்த உயரதிகாரி சதீஷ் கோல்ச்சாவை மத்திய உள்துறை அமைச்சகம் வியாழக்கிழமை நியமித்தது.

- நமது சிறப்பு நிருபர்

நமது சிறப்பு நிருபர் புது தில்லி, ஆக. 21:

தில்லி காவல் ஆணையர் பதவி என்பது ஒரு மாநிலத்தில் டிஜிபி அல்லது மாநில படைத் தலைமை அதிகாரி நிலைக்கு இணையான பதவியாகும். தற்போது சதீஷ் கோல்ச்சா தில்லி சிறைத்துறை தலைமை இயக்குநராக பணியாற்றி வருகிறார்.

தில்லி முதல்வர் ரேகா குப்தாவை அவரது அதிகாரபூர்வ இல்லத்தில் நடந்த பொது நிகழ்வின்போது குஜராத்தைச் சேர்ந்த நபர் தாக்க முற்பட்ட சம்பவத்துக்கு பிந்தைய இரண்டு நாள்களில் தலைநகருக்கு முழுநேர காவல் ஆணையர் நியமிக்கப்பட்டுள்ளார்.