ரூ.75 லட்சம் மதிப்புள்ள சைபர் மோசடி வழக்கில் தில்லி காவல் துறை துணை ஆய்வாளர்கள் இருவர் கைது

வடகிழக்கு தில்லியில் சைபர் குற்ற விசாரணைகள் தொடர்பான வழக்கு சொத்துகளிலிருந்து பணத்தைத் திருடியதாகக் கூறப்படும் இரண்டு தில்லி காவல்துறை துணை ஆய்வாளர்கள் கைது செய்யப்பட்டுள்ளதாக அதிகாரிகள் தெரிவித்தனர்.

- 

புது தில்லி, ஜூலை 23:

இது குறித்து வடகிழக்கு தில்லி காவல் சரக துணை ஆணையர் ஆஷிஷ் மிஸ்ரா ஒரு அறிக்கையில் கூறியுள்ளதாவது: வடகிழக்கு மாவட்டத்தில் உள்ள சைபர் காவல் நிலையத்தில் வழக்குகளை முடிக்கும்போது ஏற்பட்ட முறைகேடுகள் காரணமாக உள் விசாரணை நடத்தப்பட்டதைத் தொடர்ந்து இந்தக் கைதுகள் நடந்துள்ளது.

மார்ச் 19 முதல் காணாமல் போன விசாரணை அதிகாரி மீது மூன்று எஃப்ஐஆர்கள் பதிவு செய்யப்பட்டன.

இந்த விவகாரத்தை விசாரிக்க சைபர் காவல் நிலையத்தின் பொறுப்பு அதிகாரியான ஆய்வாளர் ராகுல் தலைமையில், துணை ஆய்வாளர் நந்தன் சிங், தலைமைக் காவலர்களான அமித் மற்றும் ரோஹன், காவலர் தீபக் ஆகியோர் அடங்கிய சிறப்புக் குழு அமைக்கப்பட்டது.