'தலாக்-ஏ-ஹசன்' விவாகரத்து முறைக்கு எதிரான மனு: நவ.19, 20-இல் இறுதி விசாரணை

இஸ்லாம் மதத்தில் பின்பற்றப்படும் 'தலாக்-ஏ-ஹசன்' என்ற தொடர்ந்து 3 மாதங்களில் மாதத்துக்கு ஒருமுறை 'தலாக்' கூறி மனைவியை விவாகரத்து செய்யும் நடைமுறைக்கு எதிரான மனுக்கள் மீது வரும் நவம்பர் 19, 20 தேதிகளில் இறுதி விசாரணை மேற்கொள்ளப்படும் என உச்சநீதிமன்றம் திங்கள்கிழமை தெரிவித்தது.

- 

புது தில்லி, ஆக.11:

இஸ்லாம் மதத்தில் திருமணம் ஆன ஆண்கள், ஒரே சமயத்தில் மூன்று முறை 'தலாக்' என்ற சொல்லை உச்சரித்து மனைவியை விவாகரத்து செய்யும் நடைமுறை இருந்து வந்தது. இந்த நடைமுறையை கடந்த 2017-ஆம் ஆண்டு உச்ச நீதிமன்றம் ரத்து செய்து உத்தரவிட்டது.

அதனடிப்படையில் மத்திய அரசு 'முஸ்லிம் பெண்கள் திருமண பாதுகாப்பு சட்டம் 2019' என்ற சட்டத்தை இயற்றியது. அதன்படி, ஒரே நேரத்தில் மூன்று முறை 'தலாக்' என்று உச்சரித்து மனைவியை விவாகரத்து செய்யும் நபருக்கு 3 ஆண்டுகள் சிறைத் தண்டனையும் அபராதமும் விதிக்கப்படும்.