நீக்கப்பட்ட 65 லட்சம் வாக்காளர்களின் தகவல்களைச் சமர்ப்பிக்க உச்சநீதிமன்றம் உத்தரவு

பிகார் வரைவு வாக்காளர்கள் பட்டியலில் இருந்து நீக்கப்பட்டுள்ள 65 லட்சம் வாக்காளர்களின் தகவல்களை ஆக.9-ஆம் தேதிக்குள் சமர்ப்பிக்க இந்திய தேர்தல் ஆணையத்துக்கு உச்சநீதிமன்றம் புதன்கிழமை உத்தரவிட்டது.

- 

புது தில்லி, ஆக.6:

பிகாரில் நிகழாண்டு இறுதியில் சட்டப்பேரவைத் தேர்தல் நடைபெற உள்ள நிலையில், மாநில வாக்காளர் பட்டியலை சிறப்பு தீவிர திருத்தம் செய்யும் பணியை தேர்தல் ஆணையம் மேற்கொண்டது.

2003-ஆம் ஆண்டுக்குப் பின்னர் வாக்காளராகப் பதிவு செய்து கொண்டவர்கள், தாங்கள் இந்தியர்கள் என்பதை நிரூபிக்க பிறப்புச் சான்றிதழ், கடவுச்சீட்டு (பாஸ்போர்ட்) நகல் போன்ற கூடுதல் ஆவணங்களைச் சமர்ப்பிக்க வேண்டும் என்று அறிவுறுத்தியது.

ஒரு மாத காலமாக மேற்கொண்ட சிறப்பு தீவிர திருத்தப் பணியை தேர்தல் ஆணையம் கடந்த ஜூலை 25-ஆம் தேதி நிறைவு செய்தது.