கேதார்நாத் சென்ற ஹெலிகாப்டர் நெடுஞ்சாலையில் அவசர தரையிறக்கம்

உத்தரகண்ட் மாநிலம் கேதார்நாத்துக்கு புறப்பட்டுச் சென்ற ஹெலிகாப்டர் தொழில்நுட்பக் கோளாறு காரணமாக ருத்ரபிரயாக் மாவட்டத்தில் அவசரமாக சனிக்கிழமை தரையிறக்கப்பட்டது.

- 

ருத்ரபிரயாக், ஜூன் 7:

அதிருஷ்டவசமாக அதில் பயணித்த விமானி மற்றும் 6 பயணிகளும் உயிர் தப்பினர். இருப்பினும், தரையிறக்கத்தின்போது விமானிக்கு மட்டும் சிறு காயங்கள் ஏற்பட்டதால் உடனடியாக அவர் மருத்துவமனையில் அனுமதிக்கப்பட்டதாக அதிகாரிகள் தெரிவித்தனர்.

கேதார்நாத்தில் உள்ள படாசூ விமான தளத்தில் இருந்து புறப்பட்ட கெஸ்ட்ரல் விமான நிறுவன ஹெலிகாப்டரில் தொழில்நுட்பக் கோளாறு ஏற்பட்டு கட்டுப்பாட்டை இழப்பதை உணர்ந்தவுடன் அவசர தரையிறக்கத்தை விமானி மேற்கொண்டதாக முதற்கட்ட தகவல்கள் வெளியாகியுள்ளன. கட்டுப்பாட்டை இழந்ததில் விமானதளத்துக்கு கீழே இருந்த நெடுஞ்சாலையின் நடுவே ஹெலிகாப்டர் தரையிறங்கியது.