21-ஆம் நூற்றாண்டின் சவால்களுக்கு இந்தியாவை தயார்படுத்திய ராஜீவ் காந்தி

'21-ஆம் நூற்றாண்டின் சவால்கள் மற்றும் வாய்ப்புகளுக்கு இந்தியாவைத் தயார்படுத்துவதில் முன்னாள் பிரதமர் ராஜீவ் காந்தியின் தொலைநோக்கு மற்றும் துணிச்சலான நடவடிக்கைகள் முக்கியப் பங்கு வகித்ததாக அவரது நினைவு நாளில் காங்கிரஸ் புகழஞ்சலி செலுத்தியது.

- 

புது தில்லி, மே 21:

இந்தியாவின் முன்னாள் பிரதமர் ராஜீவ் காந்தியின் 34-ஆவது ஆண்டு நினைவு நாள் புதன்கிழமை அனுசரிக்கப்பட்டது.

இதையொட்டி, ராஜீவ் காந்தியை நினைவுகூர்வதாக பிரதமர் நரேந்திர மோடி அஞ்சலி செலுத்தினார்.

தில்லியில் வீர பூமியில் உள்ள ராஜீவ் காந்தியின் நினைவிடத்தில் காங்கிரஸ் தலைவர் மல்லிகார்ஜுன கார்கே, மக்களவை எதிர்க்கட்சித் தலைவரும், ராஜீவ் காந்தியின் மகனுமான ராகுல் காந்தி மலர் தூவி அஞ்சலி செலுத்தினர்.