தனியார் நிதி நிறுவன மோசடி: முதலீட்டாளர்கள் பணத்தை மீட்டுத் தருவது அரசின் கடமை

நியோமேக்ஸ் தனியார் நிதி நிறுவன மோசடி வழக்கில், முதலீட்டாளர்களின் பணத்தை மீட்டுத் தருவது அரசின் கடமை என சென்னை உயர் நீதிமன்ற மதுரை அமர்வு அண்மையில் தெரிவித்தது.

- 

மதுரை, மே 20:

மதுரை மாவட்டத்தைச் சேர்ந்த முத்துக்குமரன் சென்னை உயர்நீதிமன்ற மதுரை அமர்வில் தாக்கல் செய்த மனு: நியோமேக்ஸ் தனியார் நிதி நிறுவனத்துக்கு மதுரை உள்பட பல்வேறு இடங்களில் கிளைகள் உள்ளன. இந்த நிதி நிறுவனத்தில் ஆயிரக்கணக்கானோர் முதலீடு செய்த பணம் திரும்பக் கிடைக்கவில்லை. இந்த நிதி நிறுவனத்தின் சொத்துகளை நிர்வாகிகள் விற்க முயன்று வருகின்றனர். இதைத் தடுப்பதுடன், இந்த நிதி நிறுவனத்தில் கிளை நிறுவன சொத்துகளை பொருளாதார குற்றப் பிரிவு போலீஸார் கையகப்படுத்த உத்தரவிட வேண்டும் என அவர் கோரியிருந்தார்.