காங்கிரஸ், ஆம் ஆத்மி மூத்த தலைவர்களின் வீடுகளில் அமலாக்கத் துறை சோதனை

ரூ.48,000 கோடி பிஏசிஎல் மோசடி

- 

புது தில்லி/ஜெய்பூர், ஏப். 15: பியர்ல் அக்ரோ கார்பரேஷன் லிமிடெட் (பிஏசிஎல்) நிறுவனத்தின் ரூ.48,000 கோடி மோசடி தொடர்பான வழக்கில் ராஜஸ்தானைச் சேர்ந்த காங்கிரஸ் மூத்த தலைவர் பிரதாப் சிங் கச்சாரியாவாஸ், பஞ்சாபைச் சேர்ந்த ஆம் ஆத்மி மூத்த தலைவர் குல்வந்த் சிங் ஆகியோரின் வீடுகள் உள்பட 15 இடங்களில் அமலாக்கத் துறையினர் செவ்வாய்க்கிழமை அதிரடி சோதனை மேற்கொண்டனர்.

ராஜஸ்தான், பஞ்சாப், ஹரியாணா மற்றும் தில்லியில் மத்திய ரிசர்வ் போலீஸ் படை பாதுகாப்புடன் இச்சோதனைகள் நடைபெற்றதாக அதிகாரபூர்வ வட்டாரங்கள் தெரிவித்தன.