சாலையோரங்களில் கொடிக் கம்பங்களை அகற்ற தனி நீதிபதி பிறப்பித்த உத்தரவு செல்லும்

தேசிய நெடுஞ்சாலை, மாநில நெடுஞ்சாலை, சாலையோரங்கள் உள்ளிட்ட பொது இடங்களில் உள்ள கொடிக் கம்பங்களை அகற்ற வேண்டும் என்ற தனி நீதிபதி பிறப்பித்த உத்தரவு சரியே என சென்னை உயர்நீதிமன்ற மதுரை அமர்வு வியாழக்கிழமை உறுதி செய்தது.

- 

மதுரை, மார்ச் 6:

மதுரை விளாங்குடி பகுதியில் அதிமுக கொடிக் கம்பம் வைக்க அனுமதி கோரி தாக்கல் செய்யப்பட்ட மனுவை ஏற்கெனவே விசாரித்த உயர்நீதிமன்ற நீதிபதி இளந்திரையன் பிறப்பித்த உத்தரவு:

தமிழகத்தில் தேசிய, மாநில நெடுஞ்சாலைகள், உள்ளாட்சி அமைப்புகள் உள்ளிட்ட பொது இடங்களில் வைக்கப்பட்டுள்ள கொடிக் கம்பங்களை அகற்ற வேண்டும். அதே நேரத்தில், அரசியல் கட்சியினர், ஜாதி, மத அமைப்பினர் அவர்களுக்குச் சொந்தமான இடங்களில் அரசு அதிகாரிகளிடம் முறையான அனுமதி பெற்று, கொடிக் கம்பங்களை வைத்துக் கொள்ளலாம். இதற்கான வழிகாட்டுதலை தமிழக அரசு உருவாக்க வேண்டும் என உத்தரவிட்டார்.