5 ஆஸ்கர்களை அள்ளிய அனோரா!

சர்வதேச திரையுலகம், ரசிகர்களின் மிகுந்த எதிர்பார்ப்புக்கு மத்தியில் ஆஸ்கர் விருதுகள் வழங்கும் விழா அமெரிக்காவின் கலிஃபோர்னியா மாநிலத்தில் உள்ள லாஸ் ஏஞ்சலீஸ் நகரின் 'டால்பி' அரங்கில் ஞாயிற்றுக்கிழமை இரவு விமர்சையாக நடைபெற்றது.

- 

ஆஸ்கர் எனப்படும் அகாதெமி விருதுகளின் 97-ஆவது பதிப்பில் ரஷிய நாட்டுச் செல்வந்தரின் மகனுடன் காதல் வயப்படும் அமெரிக்க பெண் பாலியல் தொழிலாளியின் கதையை அடிப்படையாகக் கொண்ட 'அனோரா', சிறந்த திரைப்படம் உள்பட 5 பிரிவுகளில் விருதுகளை அள்ளிச் சென்றது.

அமெரிக்க இயக்குநர் ஷான் பேக்கர் தயாரிப்பு மற்றும் இயக்கத்தில், நடிகர்கள் மைக்கி மேடிஸன், மார்க் ஏய்டெல்ஸ்டீன் ஆகியோர் நடிப்பில் கடந்த ஆண்டு வெளியான அனோரா, சுமார் ரூ.52 கோடி பட்ஜெட்டில் தயாரிக்கப்பட்டது.