ஒப்பந்தமின்றி முடிந்த சர்வதேச பிளாஸ்டிக் மாசு கட்டுப்பாட்டு பேச்சு

பிளாஸ்டிக் மாசு பாட்டு நெருக்கடியை எதிர்கொள்வதற்கான சர்வதேச ஒப்பந்தத்தை உருவாக்குவதற்காக ஜெனீவாவில் நடந்த பேச்சுவார்த்தை எந்த உடன்பாடையும் எட்டாமல் வெள்ளிக்கிழமை நிறைவடைந்தது.

- 

ஜெனீவா, ஆக. 15:

அந்த நகரில் உள்ள ஐ.நா. அலுவலகத்தில் 11 நாள்கள் நடந்த பேச்சுவார்த்தையில், 184 நாடுகளின் பிரதிநிதிகள் பிளாஸ்டிக் உற்பத்தியைக் கட்டுப்படுத்துவது மற்றும் நச்சு ரசாயனங்களுக்கு உலகளாவிய, சட்டபூர்வ கட்டுப்பாடுகளை விதிப்பது குறித்து ஆலோசனை நடத்தினர். இருந்தாலும், இந்த விவகாரங்களில் ஒருமித்த கருத்து எட்டப்படவில்லை.

எனவே, கடைசி சுற்று பேச்சுவார்த்தையாக இருக்க வேண்டிய இது, தென்கொரியாவில் நடந்த முந்தைய கூட்டத்தைப் போலவே ஒப்பந்தமின்றி முடிந்தது.

பேச்சுவார்த்தைக் குழு தலைவர் லூயி வயாஸ் வால்டிவிஸோ முன்வைத்த இரு வரைவு ஒப்பந்தங்களில் எதையும் கூட்டத்தில் பங்கேற்ற நாடுகள் ஏற்கவில்லை. வெள்ளிக்கிழமை நடைபெற்ற கூட்டத்தில் அடுத்தகட்ட நடவடிக்கைகள் முன்மொழியப்படவில்லை.