பத்தாம் வகுப்பு தேர்வு விடைத்தாள் நகல் இன்று வெளியீடு

பத்தாம் வகுப்பு பொதுத் தேர்வெழுதி விடைத்தாள் நகல் பெற விண்ணப்பித்த தேர்வர்கள் அதனை செவ்வாய்க்கிழமை (ஜூன் 16) முதல் பதிவிறக்கம் செய்து கொள்ளலாம் என்றும், மறுகூட்டல், மதிப்பீட்டுக்கு புதன்கிழமை முதல் விண்ணப்பிக்கலாம் என்றும் தெரிவிக்கப்பட்டுள்ளது.

- 

இது குறித்து அரசுத் தேர்வுகள் இயக்குநர் க. சசிகலா திங்கள்கிழமை வெளியிட்ட செய்திக் குறிப்பு: தமிழகத்தில் கடந்த மார்ச், ஏப்ரல் மாதங்களில் நடைபெற்ற பத்தாம் வகுப்பு பொதுத்தேர்வு முடிவுகள் கடந்த மே 20-ஆம் தேதி வெளியிடப்பட்டது. தேர்வு முடிவுகள் வெளியிடப்பட்டவுடன் தேர்வர்கள் விடைத்தாள் நகல் கோருதல் தொடர்பான பணிகள் மேற்கொள்ளப்பட்டு அவற்றுக்கான விண்ணப்பங்கள் மாநில முழுவதுமிருந்து பெறப்பட்டன. கடந்த 2025-ஆம் ஆண்டு 52,236 விண்ணப்பங்கள் பெறப்பட்ட நிலையில், நிகழாண்டு 74,862 விண்ணப்பங்கள் பெறப்பட்டன.