காத்திருப்புப் போராட்டத்தில் ஈடுபட்ட தூய்மைப் பணியாளர்கள் 91 பேர் கைது

மதுரை மாநகராட்சி தொழிலாளர்கள் சங்கக் கூட்டமைப்பு சார்பில் பல்வேறு கோரிக்கைகளை வலியுறுத்தி, திங்கள்கிழமை காத்திருப்புப் போராட்டத்தில் ஈடுபட்ட தூய்மைப் பணியாளர்கள் 91 பேர் கைது செய்யப்பட்டனர்.

- 

மதுரை, ஆக. 18:

மதுரை மாநகராட்சி அண்ணா மாளிகை முன் நடைபெற்ற இந்தப் போராட்டத்துக்கு மாநகராட்சித் தொழிலாளர் சங்கத்தின் மாவட்டத் தலைவர் மீனாட்சி சுந்தரம் தலைமை வகித்தார். பொதுச் செயலர் ம. பாலசுப்பிரமணியன், மதுரை தூய்மைப் பணியாளர் மேம்பாட்டு இயக்கத்தின் மாவட்ட அமைப்பாளர் எஸ். பூமிநாதன், மாநில துணைச் செயலர் முத்து ஆகியோர் கோரிக்கைகளை விளக்கிப் பேசினர்.