சாவர்க்கர் ஆதரவாளர்களால் அச்சுறுத்தல் மனுவைத் திரும்பப் பெற்றார் ராகுல் காந்தி

ஹிந்துத்துவ சித்தாந்தவாதி வி.டி. சாவர்க்கரின் ஆதரவாளர்களால் தனக்கு அச்சுறுத்தல் இருப்பதாகக் கூறி, மகாராஷ்டிர மாநிலம், புணே நீதிமன்றத்தில் தாக்கல் செய்த மனுவை மக்களவை எதிர்க்கட்சித் தலைவர் ராகுல் காந்தி திரும்பப் பெற்றுள்ளார்.

- 

புணே, ஆக. 14:

புணேயில் உள்ள எம்.பி.-எம்.எல்.ஏக்கள் மீதான மனுக்களை விசாரிக்கும் நீதிமன்றம், மனுவைத் திரும்பப் பெற அனுமதித்ததாக ராகுல் தரப்பு வழக்கறிஞர் மிலிந்த் பவார் தெரிவித்தார்.

சாவர்க்கரின் கொள்ளுப் பேரன் சாத்யகி சாவர்க்கர் தொடர்ந்த அவதூறு வழக்கில், ராகுல் சார்பில் மிலிந்த் பவார் கடந்த புதன்கிழமை ஒரு மனுவைத் தாக்கல் செய்திருந்தார்.