வாக்காளர் பட்டியல் தீவிர திருத்தம்: எடப்பாடி பழனிசாமி மௌனம் காப்பது ஏன்?

திமுக பொதுச் செயலர் துரைமுருகன் கேள்வி

- 

சென்னை, ஆக. 8: முறைகேடுக்கு வழிவகுக்கும் வாக்காளர் பட்டியல் தீவிர திருத்த முறைகுறித்த விவகாரத்தில் அதிமுக பொதுச்செயலர் எடப்பாடி கே.பழனிசாமி மௌனம் காப்பது ஏன் என்று அமைச்சரும், திமுக பொதுச் செயலருமான துரைமுருகன் கேள்வி எழுப்பியுள்ளார்.

இதுகுறித்து அவர் வெள்ளிக்கிழமை வெளியிட்ட அறிக்கை: கடந்த 2024 மக்களவைத் தேர்தல் முடிந்த அடுத்த 5 மாதங்களில் மகாராஷ்டிர சட்டப் பேரவைத் தேர்தல் நடைபெற்றது. அப்போது மக்களவைத் தேர்தலில் வாக்களித்தவர்களைவிட கூடுதலாக 41 லட்சம் வாக்காளர்கள் சேர்க்கப்பட்டிருந்தனர். ஐந்தே மாதங்களில் 41 லட்சம் வாக்காளர்கள் எப்படி வந்தார்கள்? வானத்திலிருந்து குதித்தார்களா?