இலங்கை கடற்படையினரால் தமிழக மீனவர்கள் 14 பேர் கைது

இலங்கை கடற்படையினரால் ராமேசுவரம், பாம்பன் மீனவர்கள் 14 பேர் செவ்வாய்க்கிழமை நள்ளிரவு கைது செய்யப்பட்டனர்.

- 

ராமேசுவரம், ஆக. 6: இரண்டு படகுகள் பறிமுதல் செய்யப்பட்டன.

ராமநாதபுரம் மாவட்டம், பாம்பன் தெற்குவாடி துறைமுகத்திலிருந்து 100 விசைப் படகுகளில் ஆயிரத்துக்கும் மேற்பட்ட மீனவர்கள் மீன்வளத் துறை அனுமதி பெற்று கடலுக்குள் மீன்பிடிக்கச் சென்றனர்.

இவர்கள் செவ்வாய்க்கிழமை நள்ளிரவு நெடுந்தீவு-கல்பட்டி அருகேயுள்ள பத்தலங்குண்டுவ தீவு பகுதியில் மீன்பிடித்துக் கொண்டிருந்தனர். அப்போது, 5 ரோந்துப் படகுகளில் வந்த இலங்கை கடற்படையினர் ஜோசப்பாரதி என்பவருக்குச் சொந்தமான விசைப்படகைப் பறிமுதல் செய்தனர்.