தடையை மீறி போராட்டம்: சீமான் உள்பட 50 பேர் மீது வழக்கு

தேனி மாவட்டம், போடி நாயக்கனூர் அருகே வனத்துறையினரைக் கண்டித்து மாடு மேய்க்கும் உரிமைப்போராட்டம் நடத்திய நாம் தமிழர் கட்சியின் தலைமை ஒருங்கிணைப்பாளர் சீமான் உள்பட 50 பேர் மீது போலீஸார் வழக்குப் பதிவு செய்தனர்.

- 

போடி, ஆக. 3:

தேனி மாவட்டம், போடிநாயக்கனூர் அருகேயுள்ள கரட்டுப்பட்டி, சூலப்புரம், பொட்டிப்புரம், சின்ன பொட்டிப்புரம், குண்டல்நாயக்கன்பட்டி, திம்மிநாயக்கன்பட்டி உள்ளிட்ட கிராமங்களில் 20 ஆயிரத்துக்கும் மேற்பட்ட நாட்டு மாடுகள் வளர்க்கப்பட்டு வருகின்றன. இந்த மாடுகளை அருகிலுள்ள வனப் பகுதியில் மேய்ச்சலுக்காக கிராம மக்கள் அனுப்பி வந்தனர்.

இந்த நிலையில், புதிய வனச்சட்டத்தை சுட்டிக் காட்டி வனத்துறையினர் மேய்ச்சலுக்குத் தடை விதித்தனர். வனத்துறை அதிகாரிகளிடம் அனுமதி பெற்று மேய்ச்சலுக்குச் செல்லலாம் என உயர் அதிகாரிகள் தெரிவித்தாலும், உள்ளூரில் உள்ள வனத்துறையினர் மேய்ச்சலுக்கு அனுமதி அளிப்பதில்லை எனக் கூறப்படுகிறது.

மேலும், கடந்த மே 25-ஆம் தேதி மாடு மேய்க்கச் சென்ற போடி கரட்டுப்பட்டியைச் சேர்ந்த சன்னாசியை போடி முந்தல் வனப் பகுதி அருகேயுள்ள அடவுப்பாறை பகுதியில் கீழே தள்ளிவிட்டு கடுமையாக நடந்துகொண்டதுடன், அவர் மீது கொலை முயற்சி வழக்கும் வனத்துறையினர் பதிவு செய்தனர்.