மனுவைத் திரும்பப் பெறும் கேரள அரசின் நிலைப்பாட்டுக்கு மத்திய அரசு எதிர்ப்பு

மசோதாக்களுக்கு ஒப்புதல் அளிக்க ஆளுநர் தாமதம் செய்ததற்கு எதிராக தாக்கல் செய்த மனுவை திரும்பப் பெறும் கேரள அரசின் முடிவுக்கு உச்சநீதிமன்றத்தில் மத்திய அரசு தரப்பில் எதிர்ப்பு தெரிவிக்கப்பட்டது.

- 

புது தில்லி, ஜூலை 14:

இதைத் தொடர்ந்து, மனு மீதான விசாரணையை வரும் 25-ஆம் தேதிக்கு உச்சநீதிமன்றம் ஒத்திவைத்தது.

தமிழக சட்டப்பேரவையில் நிறைவேற்றி ஒப்புதலுக்காக அனுப்பி வைத்த 10 மசோதாக்களை நிறுத்தி வைத்த மாநில ஆளுநரின் செயல்பாட்டுக்கு எதிராக தமிழக அரசு தரப்பில் மனு தாக்கல் செய்யப்பட்டது.

அதுபோல, சட்டப்பேரவையில் நிறைவேற்றி அனுப்பப்பட்ட மசோதாக்களுக்கு ஆளுநர் ஒப்புதல் அளிக்காமல் கிடப்பில் போட்டுள்ளதாக கேரள மாநில அரசு தரப்பிலும் உச்சநீதிமன்றத்தில் மனு தாக்கல் செய்யப்பட்டது.

இதனிடையே, தமிழக அரசின் மனுவை கடந்த ஏப்ரல் 8-ஆம் தேதி விசாரித்த உச்சநீதிமன்றம், தனக்கான அதிகாரத்தைப் பயன்படுத்தி தமிழக ஆளுநர் நிறுத்தி வைத்த 10 மசோதாக்களுக்கும் ஒப்புதல் அளித்ததோடு, மசோதாக்களுக்கு ஒப்புதல் அளிக்க ஆளுநர் மற்றும் குடியரசுத் தலைவருக்கு காலக்கெடு நிர்ணயித்து அதிரடி உத்தரவைப் பிறப்பித்தது.