இன்று உலக புகையிலை ஒழிப்பு தினம்: தலைமை ஆசிரியர்களுக்கு அறிவுறுத்தல்

உலக புகையிலை ஒழிப்பு தினம் சனிக்கிழமை (மே 31) கடைப்பிடிக்கப்படும் நிலையில், தலைமை ஆசிரியர்கள் தங்களது பள்ளிகளுக்கு அருகில் புகையிலைப் பொருள்களின் விற்பனை தடை செய்யப்படுவதை உறுதி செய்ய வேண்டும் என கல்வித்துறை அறிவுறுத்தியது.

- 

சென்னை, மே 30:

இதுகுறித்து பள்ளிக் கல்வித்துறை இயக்குநர் ச.கண்ணப்பன், அனைத்து மாவட்ட முதன்மைக் கல்வி அலுவலர்களுக்கும் வெள்ளிக்கிழமை அனுப்பிய சுற்றறிக்கை: உலக புகையிலை தினம் ஆண்டுதோறும் மே 31-ஆம் தேதி அனுசரிக்கப்பட்டு வருகிறது.

இதையொட்டி, புகையிலை எதிர்ப்பு வழிகாட்டு நெறிமுறைகளில் குறிப்பிட்டுள்ளபடி பள்ளிகளைச் சுற்றி 300 அடிக்குள் புகையிலை மற்றும் அது சார்ந்த பொருள்களின் விற்பனை தடை செய்யப்படுவதை உறுதிசெய்ய வேண்டும்.