திருச்சி சரக டிஐஜி வருண்குமார் மீதான புகார்: டிஜிபி விசாரித்து நடவடிக்கை எடுக்க உத்தரவு

திருச்சி சரக டிஐஜி வருண்குமார் மீது நாம் தமிழர் கட்சியின் நிர்வாகி சாட்டை துரைமுருகன் அளித்த புகார் குறித்து தமிழக காவல் துறை தலைமை இயக்குநர் (டிஜிபி) விசாரித்து உரிய நடவடிக்கை எடுக்க சென்னை உயர்நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, மார்ச் 19:

நாம் தமிழர் கட்சியின் கொள்கைப்பரப்புச் செயலர் சாட்டை துரைமுருகன் சென்னை உயர்நீதிமன்ற மதுரை அமர்வில் தாக்கல் செய்த மனு: கடந்தாண்டு திருச்சி மாவட்ட குற்றப்பிரிவு போலீஸார் என் மீது பொய் வழக்குப் பதிந்து, 2 கைப்பேசிகளைப் பறித்துக் கொண்டனர். நான் பிணையில் வந்த பிறகும், எனது கைப்பேசிகளை போலீஸார் வழங்காததால் வழக்கு தொடுத்தேன்.