சாய் சுதர்சன் சதம்: தமிழ்நாடு வெற்றி

சையது முஷ்டாக் அலி கோப்பை டி20 கிரிக்கெட் போட்டியில் தமிழ்நாடு அணி 3 விக்கெட்டுகள் வித்தியாசத்தில் சௌராஷ்டிர அணியை திங்கள்கிழமை வென்றது.

- 

முதலில் சௌராஷ்டிரம் 20 ஓவர்களில் 7 விக்கெட்டுகள் இழப்புக்கு 183 ரன்கள் சேர்க்க, தமிழ்நாடு 18.4 ஓவர்களில் 7 விக்கெட்டுகள் இழந்து 185 ரன்கள் எடுத்து வெற்றி பெற்றது. கடந்த சில ஆட்டங்களில் சோபிக்காத தமிழ்நாடு வீரர் சாய் சுதர்சன், இந்த ஆட்டத்தில் சதம் விளாசி அசத்தினார்.

முன்னதாக டாஸ் வென்று முதலில் பேட் செய்த சௌராஷ்டிர அணியில், விஷ்வராஜ் ஜடேஜா 6 பவுண்டரிகள், 4 சிக்ஸர்களுடன் 70, சமர் கஜ்ஜர் 5 பவுண்டரிகள், 4 சிக்ஸர்கள் உள்பட 66 ரன்கள் அடித்து ஆட்டமிழந்தனர்.