சில்லறை வணிகத்தைப் பாதுகாக்க வியாபாரிகள் முற்றுகை; கடையடைப்பு

சில்லறை வணிகத்தில் பெரு நிறுவனங்கள் ஆதிக்கத்தைக் கண்டித்து திருச்சியில் வியாபாரிகள் சனிக்கிழமை கடையடைப்பு செய்து, முற்றுகைப் போராட்டத்தில் ஈடுபட்டனர்.

- 

திருச்சி, ஆக. 30:

அகில இந்திய அளவில் பெருகி வரும் கார்ப்பரேட் நிறுவனங்கள் நேரடி சில்லறை வணிகத்தில் ஈடுபடுகின்றன. கவர்ச்சிகரமான அறிவிப்புகள், ஏராளமான சலுகைகள் என்ற தோற்றத்தை ஏற்படுத்தி சில்லறை வணிகத்தை கபளீகரம் செய்கின்றன. இதனால் சிறு, குறு, நடுத்தர வணிகர்கள் கடுமையாகப் பாதிக்கப்படுகின்றனர். அதன்படி, திருச்சியில் ஏற்கெனவே 2 இடங்களில் மிகப்பெரிய அளவில் டி மார்ட் நிறுவனம் இயங்கிவரும் நிலையில், வயலூர் சாலையில் 3ஆவது கிளையை பிரம்மாண்டமாக அமைக்க ஆயத்தமாகி வருகிறது.