வாக்கு திருட்டு: 'அணுகுண்டு' ஆதாரத்தை வெளியிட்டார் ராகுல்

2024 மக்களவைத் தேர்தலில் வாக்குத் திருட்டு முறைகேடு குற்றச்சாட்டை முன்வைத்து வந்த எதிர்க்கட்சித் தலைவர் ராகுல் காந்தி, அது தொடர்பாக தன்னிடம் இருப்பதாகக் கூறி வந்த 'அணுகுண்டு' ஆதாரத்தை வியாழக்கிழமை வெளியிட்டார்.

- 

புது தில்லி, ஆக.7:

கர்நாடக மாநிலத்தில் பெங்களூரு மத்திய மக்களவைத் தொகுதிக்கு உட்பட்ட ஒரு பேரவைத் தொகுதியில் மட்டும் 1,00,250 திருட்டு வாக்குகள் பதிவாகியுள்ளன. இந்த விவகாரத்தில் நீதிமன்றம் தலையிட வேண்டும்' என்றும் அவர் வலியுறுத்தினார்.

பிகார் மாநிலத்தில் வாக்காளர் பட்டியல் சிறப்பு தீவிர திருத்தம் என்ற பெயரில், 65 லட்சம் பேர் வாக்காளர் பட்டியலில் இருந்து நீக்கப்பட்டதற்கு காங்கிரஸ் உள்ளிட்ட எதிர்க்கட்சிகள் தொடர் கண்டனங்களையும், எதிர்ப்பையும் தெரிவித்து வருகின்றன.

ராகுல் காந்தியும் தேர்தல் ஆணையத்தின் மீது தொடர் குற்றச்சாட்டுகளை முன்வைத்து வருகிறார். தேர்தல் ஆணையத்தின் உதவியுடன் மகாராஷ்டிர பேரவைத் தேர்தலில் பாஜக வாக்கு திருட்டில் ஈடுபட்டதாகவும் அவர் குற்றஞ்சாட்டினார்.