கரூரில் 10,092, அரியலூரில் 8,571, பெரம்பலூரில் 7,451 பேர் எழுதினர்

தமிழகம் முழுவதும் திங்கள்கிழமை தொடங்கிய பிளஸ் 2 தேர்வை கரூர் மாவட்டத்தில் 10 ஆயிரத்து 92 மாணவ, மாணவிகள் எழுதினர். 171 பேர் தேர்வு எழுத வரவில்லை.

- 

கரூர் / அரியலூர் / பெரம்பலூர், மார்ச் 3: தமிழகம் முழுவதும் திங்கள்கிழமை தொடங்கிய பிளஸ் 2 தேர்வை கரூர் மாவட்டத்தில் 10 ஆயிரத்து 92 மாணவ, மாணவிகள் எழுதினர். 171 பேர் தேர்வு எழுத வரவில்லை.

கரூர் மாநகராட்சி பசுபதீஸ்வரா பெண்கள் மேல்நிலைப்பள்ளியில் நடைபெற்ற தேர்வு மையத்தில் மாவட்ட ஆட்சியர் மீ.தங்கவேல் திங்கள்கிழமை ஆய்வு மேற்கொண்டார்.

பின்னர் அவர் கூறியது, கரூர் மாவட்டத்தில் 45 தேர்வு மையங்களில் இந்த தேர்வு நடைபெறுகிறது. தேர்வை 4 ஆயிரத்து 773 மாணவர்களும், 5 ஆயிரத்து 490 மாணவிகளும் என மொத்தம் 10 ஆயிரத்து 263 மாணவர்கள் தேர்வு எழுத அனுமதிக்கப்பட்டனர்.

இதில், 10 ஆயிரத்து 092 பேர் தேர்வு எழுதினர். முதல்நாளான திங்கள்கிழமை 96 மாணவர்களும், 75 மாணவிகளும் என 171 பேர் தேர்வு எழுத வரவில்லை. தேர்வில் முறைகேடுகள் ஏதுவும் நடைபெறாமல் இருக்க 112 நிலையான படை மற்றும் பறக்கும் படையினர் நியமிக்கப்பட்டு தொடர் கண்காணிப்பில் ஈடுபட்டுள்ளனர் என்றார் அவர்.