தமிழகத்தில் ஆணவக் கொலைகள் அதிகரிப்பு: உயர்நீதிமன்றம் வேதனை

'தமிழகத்தில் ஆணவக் கொலைகள் அதிகரித்து வருகின்றன; துரதிருஷ்டவசமாக இந்த சம்பவங்களுக்கு முற்றுப்புள்ளி வைக்கப்படவில்லை' என சென்னை உயர்நீதிமன்றம் வேதனை தெரிவித்தது.

- 

சென்னை, ஆக. 4:

கடலூர் மாவட்டம், அரசகுழி கிராமத்தைச் சேர்ந்த எம்.முருகன் என்பவர் சென்னை உயர்நீதிமன்றத்தில் தாக்கல் செய்த மனுவில், 19 வயது எனது மகன் ஜெயசூர்யா, விருத்தாசலத்தில் உள்ள கல்லூரியில் பி.காம். படித்து வந்தார். அப்போது தன்னுடன் படித்த ஒரு பெண்ணை காதலித்துள்ளான். இதற்கு அந்த பெண்ணின் பெற்றோர் எதிர்ப்பு தெரிவித்துள்ளனர். அந்த பெண்ணின் உறவினர், எனது மகனை அழைத்துச் சென்று காதலை கைவிடவில்லை என்றால் கொலை செய்து விடுவதாக மிரட்டியுள்ளார்.