நான்குனேரி அருகே கார்கள் மோதல்: 7 பேர் பலி

திருநெல்வேலி மாவட்டம், நான்குனேரி அடுத்துள்ள தளபதிசமுத்திரம் பகுதியில் ஞாயிற்றுக்கிழமை நிகழ்ந்த விபத்தில் குழந்தை உள்பட 7 பேர் உயிரிழந்தனர்.

- 

திருநெல்வேலி/களக்காடு, ஏப். 27:

திருநெல்வேலி மாவட்டம், வள்ளியூர் அருகே உள்ள கண்ணங்குளம் பகுதியைச் சேர்ந்த மாரியப்பன் (58), மில்கிஸ் உள்பட 9 பேர் ஒரு காரில் மதுரைக்கு சென்று விட்டு அங்கிருந்து ஞாயிற்றுக்கிழமை ஊருக்குத் திரும்பிக்கொண்டிருந்தனராம். காரை மாரியப்பன் ஓட்டிவந்துள்ளார். இதுபோன்று திருநெல்வேலி டக்கரம் மாள்புரத்தைச் சேர்ந்த கட்டட ஒப்பந்ததாரரான தனிஸ்லாஸ் (68), அவரது மனைவி மார்க்கரெட்மேரி, மகன் ஜோபர்ட், மருமகள் அமுதா, ஜொகனா, ஜொபினா, ஜொகன் ஆகியோர் காரில் கன்னியாகுமரி மாவட்டம், திங்கள்சந்தைக்கு சென்றுவிட்டு காரில் ஊருக்கு திரும்பிக் கொண்டிருந்தனர்.