பயங்கரவாதத்தை முழுமையாக ஒழிக்கும் பணி நிறைவடையவில்லை

'ஜம்மு-காஷ்மீரில் பயங்கரவாதம் கட்டுக்குள் கொண்டுவரப்பட்டுள்ளது; ஆனால் அது முழுமையாக ஒழிக்கப்படவில்லை; அதை ஒழிப்பதற்கான பணிகள் இன்னும் நிறைவடையவில்லை' என்று மத்திய உள்துறை அமைச்சர் அமித் ஷா தெரிவித்தார்.

- 

ஜம்மு, ஏப். 7:

மத்திய அமைச்சர் அமித் ஷா 3 நாள் பயணமாக ஜம்மு-காஷ்மீர் சென்றுள்ளார். அங்கு கடந்த ஓராண்டில் பல்வேறு பயங்கரவாதத் தாக்குதல்களில் உயிரிழந்த காவல் துறையைச் சேர்ந்த 10 பேர், பொறியாளர் ஒருவர் ஆகியோரின் குடும்பத்தினரை ஆளுநர் மாளிகையில் அமித் ஷா சந்தித்துப் பேசினார். அவர்களில் 9 பேருக்கு கருணை அடிப்படையில் அரசுப் பணி நியமன கடிதங்களை அவர் வழங்கினார்.

அப்போது அவர் பேசுகையில், 'கடந்த 35 ஆண்டுகளுக்கும் மேலாக பயங்கரவாதத்தின் மிக மோசமான விளைவுகளால் ஜம்மு-காஷ்மீர் பாதிப்புக்குள்ளானது.