4-ஆவது நாளாக சரிந்த பங்குச் சந்தை

தொடர்ச்சியான அந்நிய முதலீட்டு வெளியேற்றமும் டாலருக்கு நிகரான ரூபாய் மதிப்பு புதிய குறைந்தபட்சத்தை எட்டியதும் முதலீட்டாளர்களின் உற்சாகத்தை பாதித்ததால், இந்திய பங்குச் சந்தைகள் தொடர்ந்து நான்காவது நாளாக புதன்கிழமை சரிவில் நிறைவடைந்தன.

- 

சென்செக்ஸ்: 30-பங்குகள் கொண்ட மும்பை பங்குச் சந்தை குறியீட்டு எண்ணான சென்செக்ஸ் 31.46 புள்ளிகள் (0.04 சதவீதம்) சரிந்து 85,106.81-இல் நிறைவடைந்தது. வர்த்தகத்தின் போது அது அதிகபட்சமாக 374.63 புள்ளிகள் (0.44 சதவீதம்) சரிந்து 84,763.64 என்ற அளவை எட்டியது.