பங்குச்சந்தைக்கு சாதகமாக அமைந்த ஜிஎஸ்டி குறைப்பு

இந்த வாரத்தின் நான்காவது வர்த்தக தினமான வியாழக்கிழமையும் மும்பை பங்குச்சந்தை குறியீட்டு எண்ணான சென்செக்ஸ் லாபத்துடன் முடிவடைந்தது.

- நமது நிருபர்

மும்பை / புது தில்லி, செப். 4:

உலகளாவிய சந்தை குறிப்புகள் கலவையாக இருந்தன. இந்நிலையில், ஜிஎஸ்டி வரி விகிதங்கள் குறைப்பு சந்தைக்கு சாதகமாக அமைந்ததால், உள்நாட்டுச் சந்தை உற்சாகத்துடன் தொடங்கி மேலே சென்றது. ஆனால், பிற்பகல் வர்த்தகத்தின் போது லாபப் பதிவு வந்ததால் காலையில் பெற்ற லாபத்தில் பெரும்பகுதியை இழக்க நேரிட்டது.

ஆரம்ப வர்த்தகத்தின் போது, ஆட்டோ, எஃப்எம்சிஜி மற்றும் நுகர்வோர் சாதன உற்பத்தி நிறுவனப் பங்குகளுக்கு நல்ல ஆதரவு இருந்தது. அதே சமயம், ஐடி, மெட்டல், ரியால்ட்டி பங்குகள் விற்பனையை எதிர்கொண்டன என்று பங்கு வர்த்தகத் தரகு நிறுவனங்கள் தெரிவித்தன.