மாவட்டத்தில் தனியார் பள்ளி, கல்லூரிகளில் சுதந்திர தின விழா

ஈரோடு மாவட்டத்தில் உள்ள தனியார் பள்ளி, கல்லூரிகளில் சுதந்திர தின விழா வெள்ளிக்கிழமை கொண்டாடப்பட்டது.

- 

ஈரோடு, ஆக. 15:

ஈரோடு கலை, அறிவியல் கல்லூரியில் நடைபெற்ற விழாவில் முதலியார் கல்வி அறக்கட்டளைத் தலைவர் வி.ராஜமாணிக்கம் தேசியக் கொடி ஏற்றினார். செயலர் கே.கே.பாலுசாமி முன்னிலை வகித்தார். பொருளாளர் விஜயகுமார், இணைச் செயலாளர் அருண்குமார் பாலுசாமி, துணைத் தலைவர்கள் மாணிக்கம், ராமச்சந்திரன், ரவிச்சந்திரன் உள்ளிட்டோர் பங்கேற்றனர்.

ஈரோடு ஆர்டி சர்வதேசப் பள்ளியில் நடைபெற்ற சுதந்திர தின விழா, ஆண்டு விளையாட்டு விழாவுக்கு பள்ளி நிறுவனர் செந்தில்குமார் தலைமை வகித்தார். செயலாளர் ராதா செந்தில்குமார், பள்ளி தலைவர் ராகுல், நிர்வாக அலுவலர் கீர்த்தனா, முதல்வர் ஹேமாமாலினி மற்றும் ஆசிரியர்கள், மாணவர்கள் பங்கேற்றனர்.

பெருந்துறை சாகர் சர்வதேசப் பள்ளியில் நடைபெற்ற விழாவில் பள்ளி முதல்வர் ஷீஜா வரவேற்றார். தாளாளர் சௌந்திரராசன் தேசியக் கொடி ஏற்றினார். பள்ளியின் கல்வி இயக்குநர் ஐசக் பிரபு, சாகர் அறக்கட்டளைத் தலைவர் எஸ்.ஆறுமுகம், பொருளாளர் எஸ்.கே.பழனிசாமி, ஆசிரியர்கள், மாணவர்கள் பங்கேற்றனர்.