நீட், டிஎன்பிஎஸ்சி தேர்வுக்கு தயாராகும் இளைஞர்களால் நிரம்பிய புத்தக அரங்குகள்

ஈரோடு புத்தகத் திருவிழாவில் நீட் தேர்வுக்கு தயாராகும் பள்ளி மாணவர்கள் மற்றும் தமிழக அரசுப் பணியாளர் தேர்வு வாரியம் நடத்தும் போட்டித் தேர்வுகளுக்கு தயாராகும் மாணவர்கள் பெருமளவில் வந்து புத்தகங்களை வாங்கிச் செல்கின்றனர்.

- 

ஈரோடு, ஆக. 8:

ஈரோடு புத்தகத் திருவிழா ஈரோடு சிக்கய்ய அரசு கலை அறிவியல் கல்லூரியில் கடந்த 1-ஆம் தேதி தொடங்கி வரும் 12-ஆம் தேதி வரை நடைபெறுகிறது. முதல் நாளில் இருந்தே புத்தகத் திருவிழாவுக்கு வந்து தினமும் அரங்குகளைப் பார்வையிட்டு வாங்க வேண்டிய புத்தகங்களை குறிப்பெடுத்துக் கொண்டவர்கள் இப்போது அந்தப் பட்டியலுடன் புத்தகங்களை வாங்கிச் சென்றனர்.

பெரும்பாலானவர்கள் ஜவுளிக்கடை பை நிறைய புத்தகங்களை வாங்கிச் செல்வதைப் பார்க்க முடிந்தது. மாலை யில் நடந்த சிந்தனை அரங்கில் நடைபெற்ற நிகழ்ச்சியிலும் கூட்டம் அதிகமாக இருந்தது.

புத்தகத் துறையின் மேம்பாட்டுக்காகவும், புத்தகம் படிக்கும் ஆர்வத்தை மக்களிடையே வளர்க்கவும் மத்திய அரசால் கடந்த 1957-ஆம் ஆண்டு நேஷனல் புக் டிரஸ்ட் தொடங்கப்பட்டது.

புத்தக வெளியீடு மற்றும் விற்பனை மட்டுமின்றி, இந்திய புத்தகங்களை உலகெங்கும் பரவலாக்குதல், குழந்தை இலக்கியத்தை மேம்படுத்துதல் போன்ற பணிகளையும் இந்நிறுவனம் செய்து வருகிறது.