ஆராய்ச்சி- மேம்பாட்டுக்காக பிரத்யேக மையம்

முதல்வர் மு.க.ஸ்டாலின் அடிக்கல் நாட்டினார்

- 

சென்னை, மார்ச் 7: ஆராய்ச்சி மற்றும் மேம்பாட்டுக்கான பிரத்யேக மையத்தை சென்னை சோழிங்கநல்லூரில் அமைப்பதற்கு முதல்வர் மு.க.ஸ்டாலின் அடிக்கல் நாட்டினார். இதற்கான நிகழ்ச்சி தலைமைச் செயலகத்தில் வெள்ளிக்கிழமை நடைபெற்றது.

ஆராய்ச்சி மற்றும் மேம்பாட்டுக்கான பணிகளில் ஈட்டன் குழுமம் ஈடுபட்டு வருகிறது. அமெரிக்க நாட்டைச் சேர்ந்த இந்த நிறுவனத்தின் துணை நிறுவனமான ஈட்டன் எலக்ட்ரிக் இந்தியா பிரைவேட் நிறுவனம், தரவு மையங்கள், வாகனங்கள், வான்வெளி, தொழில், வணிகம் மற்றும் ஆற்றல் என பல்வேறு துறைகளுக்குத் தேவையான உயர்தர மின் மேலாண்மை கருவிகளை உற்பத்தி செய்து வருகிறது.

முதல்வர் மு.க.ஸ்டாலின் அரசு முறைப் பயணமாக கடந்த ஆண்டு அமெரிக்கா சென்றார். அப்போது ஈட்டன் நிறுவனத்துடன் மேற்கொள்ளப்பட்ட புரிந்துணர்வு ஒப்பந்தப்படி, சென்னையில் ஆராய்ச்சி மற்றும் மேம்பாட்டு மையம் அமைக்க முடிவு செய்யப்பட்டது.