முன்னாள் அமைச்சர் வாரிசுகளின் தண்டனையை நிறுத்திவைத்த உத்தரவு ரத்து

சொத்துக் குவிப்பு வழக்கில் முன்னாள் அமைச்சர் செங்குட்டுவனின் மகன்கள், மகள் உள்பட 4 பேருக்கு விதிக்கப்பட்ட தண்டனையை நிறுத்தி வைத்த உத்தரவை ரத்து செய்து சென்னை உயர்நீதிமன்றம் உத்தரவிட்டது.

- 

சென்னை, ஆக.1:

மறைந்த முன்னாள் முதல்வர் கருணாநிதி தலைமையிலான 1996 - 2001 ஆட்சியில், மருங்காபுரி திமுக எம்எல்ஏ-வாக இருந்தவர் பி.என்.செங்குட்டுவன். இந்துசமய அறநிலையத் துறை அமைச்சராக பதவி வகித்தவர். பின்னர் அதிமுகவில் சேர்ந்துவிட்டார்.

அமைச்சராக இருந்த காலக்கட்டத்தில் அவர் வருமானத்துக்கு அதிகமாக ரூ.81.42 லட்சம் சொத்து சேர்த்ததாக ஊழல் தடுப்பு மற்றும் கண்காணிப்பு பிரிவு போலீஸார் வழக்குப்பதிவு செய்தனர்.