பாகிஸ்தானின் கருத்தைப் பிரதிபலிக்கும் ராகுல் காந்தி

பயங்கரவாத விவகாரத்தில் பாகிஸ்தானின் கருத்தை காங்கிரஸ் முன்னாள் தலைவர் ராகுல் காந்தி பிரதிபலிக்கிறார் என்று பாஜக குற்றஞ்சாட்டியது.

- 

புதுதில்லி, ஜூலை 27: பயங்கரவாத விவகாரத்தில் பாகிஸ்தானின் கருத்தை காங்கிரஸ் முன்னாள் தலைவர் ராகுல் காந்தி பிரதிபலிக்கிறார் என்று பாஜக குற்றஞ்சாட்டியது. மத்திய அரசின் வெளியுறவுக் கொள்கையை ராகுல் விமர்சித்து வருகிறார்.

இதுதொடர்பாக அவர் அண்மையில் கூறுகையில் ‘ஒருபுறம் ஆபரேஷன் சிந்தூர் நடவடிக்கை தொடர்கிறது என்றும் மறுபுறம் வெற்றி கிடைத்துவிட்டதாகவும் நீங்கள் (மத்திய அரசு) கூறுகிறீர்கள். ஒன்று வெற்றி கிடைத்திருக்க வேண்டும்; அல்லது ஆபரேஷன் சிந்தூர் தொடர வேண்டும். ஆபரேஷன் சிந்தூர் நடவடிக்கையை தானே தடுத்து நிறுத்தியதாக அமெரிக்க அதிபர் டிரம்ப் 25 முறை கூறி விட்டார். நமது வெளியுறவுக் கொள்கையை மத்திய அரசு சிதைத்துவிட்டது. ஆபரேஷன் சிந்தூர் விவகாரத்தில் யாரும் நம்மை ஆதரிக்கவில்லை’ என்று தெரிவித்திருந்தார்.