உண்மையான குற்றவாளிகள் தண்டிக்கப்பட வேண்டும்

சீமான்

- 

மானாமதுரை, ஜூலை 9: சிவகங்கை மாவட்டம், மடப்புரம் பத்ரகாளியம்மன் கோயில் காவலாளி அஜித்குமார் தனிப்படை போலீஸாரால் அடித்துக் கொல்லப்பட்ட வழக்கில் தொடர்புடைய உண்மையான குற்றவாளிகள் தண்டிக்கப்பட வேண்டும் என நாம் தமிழர் கட்சியின் தலைமை ஒருங்கிணைப்பாளர் சீமான் வலியுறுத்தினார்.

அஜித்குமார் அடித்துக் கொல்லப்பட்ட சம்பவத்தைக் கண்டித்து, திருப்புவனத்தில் நாம் தமிழர் கட்சி சார்பில் ஆர்ப்பாட்டம் நடத்த அனுமதி கோரி, சென்னை உயர் நீதிமன்ற மதுரை அமர்வில் மனு தாக்கல் செய்யப்பட்டது. இதையடுத்து, ஆர்ப்பாட்டம் நடத்த திருப்புவனம் போலீஸாரிடம் அனுமதி பெற உயர்நீதிமன்றம் உத்தரவிட்டது. நாம் தமிழர் கட்சி சார்பில் போலீஸாரிடம் உரிய அனுமதி பெற்று, திருப்புவனத்தில் புதன்கிழமை ஆர்ப்பாட்டம் நடைபெற்றது. இதற்கு அந்தக் கட்சியின் மாநில ஒருங்கிணைப்பாளர் ஈஸ்வரன் தலைமை வகித்தார்.